Җомга көненә открыткалар монда!
Җомга көне мөселманнар өчен зур бәйрам, хәтта Ураза һәм Корбан гаетләреннән дә олырак санала. Шуңа күрә якыннарыгызга дусларыгызга шушы бөек көн белән җомга көне белән котлап, жомга коне мобэрэк булсын дип открыткалар, матур рәсемнәр җибәрә аласыз.
Без сайтта изге җомга көне белән тәбрикләү картинкаларын бер урынга тупларга тырыштык һәм яңаларын да өстәп барырбыз Аллаһы теләсә.
Җомга көне мөбәрак, изге җомга иртәләре хәерле булсын, жомга коне укылган барлык догаларыбыз кабуллардан булсын. Әмин.
Открытка жомга мубарак
жомга мубарак булсын
Жомга мубарак булсын
жомга белэн
Жомга белэн
жомга коне
Җомга иртәсе белән
жомга кон
Жомга картинки на татарском
жомга мобэрэк булсын
Жомга мобэрэк булсын
жомга мобэрэк булсын
Хэерле жомга
Жомга белэн картинки
жомга иртэсе белэн
Жомга иртэсе белэн
хэерле жомга белэн
Хэерле жомга белэн
жомга кон картинки
Жомга кон картинки
жомга иртэсе мобэрэк булсын
Жомга иртэсе мобэрэк булсын
открытки жомга
Изге жомга кон белэн
җомга көне мөбарәк
Туган көнең белән абый -Котлау сайты
С днем рождения брату на татарском языке
Әти-әнинеӘтинеӘнинеӘби-бабайныТуганнарныАбыйныАпаныЭненкәшнеСеңелкәшнеБалаларныСөеклеләрнеДусларны
Туган көнең белән абый
Хөрмәтле абый, яраткан туганыбыз
Безнең өчен якын кадерле.
100 яшькәчә аңа гомер телик,
Бүләк итик хөрмәт – кадерне.
Без телибез сиңа сәламәтлек
Сөеп яшә, туган һәр көнгә.
Сөйгән ярың булсын янәшәңдә,
Сөендереп торсын балалар.
Бу дөньяда тулы бәхет өчен,
Моннан артык тагын нәрсә бар?
Елларыңны абый санамыйбыз
Үткәннәре бар да безнеке.
Яңгырлары белән җәйләр килсен,
Уңышлары булсын көзнеке.
Хатын – кызлар сиңа сокландылар,
Әле дә сокланалар минемчә.
Аларны да мәһрүм итмә инде,
Шаяртырга кирәк җиңелчә.
Намусың чиста, гайбәт сүзләр йөрми.
Җиткермәдең күргән – белгәнне.
Маңгай сырың, чал чәчләрең сөйли,
Егет башы күпне күргәнне.
Кулларыннан килсә, зиһенне дә
Биреп барыр иде, бурычка.
Еллар үткән саен һөнәрең арта,
Шаккатабыз синең бу эшкә.
Безгә калса, абый,
Теләкләр жәл түгел.
Әй, телибез сиңа теләкне,
Исәннекләр бирсен, Ходай сакласын
Күпне күргән изге йөрәкне.
***
Күпме булса җирдә ихге теләк,
Мин телимен сиңа барын да.
Ак чәчәкләр кебек, бәхет яусын,
Яшәү дәрте һич тә сүнмәсен.
Юллар кебек, озын гомер сиңа,
Кайгы җиле бер дә тимәсен.
Заман сынаулары читләп үтсен,
Яшәү дәрте һич тә сүнмәсен.
Тулы тормыш белән яшисең син,
Нәтиҗәсе мәгълүм һәр кемгә.
Бәхет белән саулык, сәламәтлек
Ходай бирсен сиңа һәр көндә.
***
Һәр эшне коеп куясың,
Синең алтын кулларың.
Кай җирләрдә йөресәң дә
Уңсын синең юлларың.
Күңелеңнең бакчасында,
Гөлләрең чәчәк атсын.
Күсәткән яхшылыкларың
Изгелек булып кайтсын.
Уңганнарны, Ходай күрә,
Җан биргәнгә, юнь бирә.
Барлыкның кадерен белеп,
Яшик абыем бергә.
***
Миннән теләк, сәламәт бул
Һәр эшкә дә җитсен көчең.
Бәхетле көннәр китерсен
Һәр туар таң синең өчен.
Җирдә чишмә, күктә кошлар
Сиңа атап җыр җырласын.
Дус – ишләрең, туганнарың
Сине шулай гел зурласын.
***
Яз айларында табигать
Гүя яңа туган сабый.
Язгы көндә туган чибәр
Насыйп булган сиңа, абый.
Чирек гасыр ул матур кыз,
Сиңа – хатын, безгә – туган.
Ярый әле нәселебезгә
Шундый килен насыйп булган.
Ходай биреп, бер-бер артлы
Эленделәр бишекләре.
Туып үскән йортыбызның
Ачык безгә ишекләре.
Без бик шатбыз, абый, сиңа
Насыйп булган акыллы пар.
Туган якны сагынганда,
Безгә дә кайтыр урын бар.
Кайткан чакта якын итеп,
Гел елмаеп каршы ала.
Ә киткәндә моңсуланып,
Хәерле юл теләп кала.
Кешелекле сыйфатларны
Аллаһ аңа биргән өеп.
һөнәр биргәндә, әйткәндер,
Булсын ул – мөгаллим, диеп.
***
Чын ир булган ир затына ходай
Биргән көчен, биргән акылын
Горурлык та, мәхәббәт тә биргән
Холыкның да биргән асылын.
Шушы сыйфатларның барысында
Ходай сиңа җыеп биргәндер,
Матур итеп еллардан-елларга
Бер хәсрәтсез яшә дигәндер.
Ә мин шуңа горурланам чиксез
Хәр көн саен искә төшереп,
Гаиләңә бәйрәмнәрдән торган
Сихри көннәр телим иң элек.
Хәләл парың гел яныңда булсын,
Балаларың булсын горурлык
Шөкер бу ходайга,тормышыгыз
Күз тимәсен диеп торырлык.
Туган көнең белән әнием -Котлау сайты
С днем рождения мама на татарском языке
Әти-әнинеӘтинеӘнинеӘби-бабайныТуганнарныАбыйныАпаныЭненкәшнеСеңелкәшнеБалаларныСөеклеләрнеДусларны
Туган көнең белән әнием
Дөнья киңлегенә тиклем
Әнкәемнең йөрәге.
Әнкәй сиңа бүләк итәм
Бөтен дөнья гөлләрен.
Рәхмәт, әни, мең – мең рәхмәт,
Бар нәрсәгә булдың түземле.
Сәламәт бул, кайгы күрмә,
Ходай олыласын үзеңне.
Сабыр, гади, кешелекле,
Кылганнарың бары изгелек.
Борчуларың калсын үткәннәрдә,
Бәхетең булсын гомерлек.
Ал син бездән тәбрик сүзен,
Шушы булсын олы бүләкләр.
Тыныч, тигез тормыш
Гел шат яшәү,
Озын гомер безнең теләкләр.
Гомерең матур узсын,
Әни, бәгърем.
Кайгы – хәсрәт килә күрмәсен.
Йөзең һаман көләч, матур булсын,
Күзләреңнең нуры сүнмәсен.
Синең күңел сандыгыңа,
Бәхет, шатлыклар тулсын.
Гомеркәең аккан судай,
Туктаусыз озын булсын.
Син бит, әни, безнең өчен кояш,
Синнән нурлар алып яшибез.
Озак яшә, мәңге яшь бул,
Иң кадерле якын кешебез.
Әни диеп әйтер кешең булу,
Нинди бәхет бит ул дөньяда
Шатлыкларың булса – уртак була,
Кайгыларың булса – югала.
***
Кадерле әни,
Гомерең хәзинәсенә
Өстәлде тагын бер ел,
Моңайма еллар утә дип,
Елмай син – бәхетле бул!
Котлы булсын бәйрәмең,
Тыныч булсын куңелең,
Шатлык-сөенечләр белән
Тулы булсын гомерең!
Гәмьле еллар, ямьле көннэр
Телибез чын йөрәктән!
Хич кичекми чынга ашсын
Безнең күркәм теләкләр.
***
Котлыйм шушы матур көндә
Әнием сине генә.
Син тугансың бит бүген,
Ямьләндереп күк йөзен.
Шатландырып халыкны
Арттырып матурлыкны.
Сиңа бүген кырык ике,
Әйтерсең бары ун ике,
Елмаясың сабыйдай,
Моңланасың сандугачтай.
Бөркелә безгә нурлар,
Булсак та без олылар.
Инде үсеп җитсәк тә,
Без сабый синең йөрәк тә.
Рәхмәт сиңа әнием,
Син минем иң кадерлем.
***
Сыңар канат гомер кичердең син,
Ачы хәсрәтләр күп күрдең.
Сабыр, йомшак әни булдың,
Кырыс әти булдың, кайчакта.
Һәрчак шулай яшә, сүрелмә син, әни,
Көч алсыннар синнән парлылар.
Парлы булсалар да бик күпләре,
Күңел байлыгына ярлылар.
***
Сөйкемле карашың кояшка тиң –
Бар тормышны нурга күмәсең.
Бу дөньяның барлык хикмәтләрен
Бары тик син генә беләсең.
Тормышта гел ярдәм итеп тора
Зирәк кинәшләрен, жылы сүзен;
Иркәлисең, яратасың, юатасың,
Тыңлыйсың да, аңлыйсың да узең.
Сәламәтлек, озын гөмер язсын,
Гел көләч һәм яшь бул хәзергечә!
Куңелең синең кутәренке булсын,
Сөенеп һәм сөендереп мең-мең яшә.
***
Күз нурыңны бирдең безнең өчен,
Йөрәк җылың булды гел юлдаш.
Шатлыгыбыз арта сиңа карап,
Безнең өчен бәхет син булгач.
Изгелекнең саф өлгесе булып,
Син торасын,әни, тормышта.
Әни, диеп дәшәр кешең булгач,
Рәхмәтлебез шушы язмышка.
Рәхмәт, әни, тормыш бирүеңә,
Төн йокыларыңны бүлүеңә.
Безгә нык канатлар куюыңа,
Ышанычлы кеше булуыңа.
***
Җирдә кояш нуры балкыгандай,
Син балкыйсың безнең күңелдә.
Тормышыбыз синең белән матур,
Рәхмәтлебез сиңә гомергә.
***
Чәчләреңне, әни, чал басса да,
Күңелең көр, һаман яшь әле.
Җаның тыныч, тәнең таза булсын,
Кайгы – хәсрәт күрми, яшә әле.
Яшик әле, әни, бирешмичә,
Баш имичә кырыс җилләргә.
Яшә җирдә матур гөлләр булып,
Терәк булып безнең иңнәргә.
Рәхмәтеннән Ходай ташламасын,
Кунагы бул якты дөньяның.
Озак яшә утын сүндермичә,
Балаларың үскән ояның.
***
Күз тимәсен, матур, чибәр,
Акыллы һәм бик түзем.
Буй-сының да бик килешле,
Елмаеп тора йөзең.
Карлыгач канаты кебек
Сызылып киткән кашларың.
Өебезгә ямь бирәсең,
Тәмле синең ашларың.
Кулың ята бутен эшкә,
Эшлисең белеп кенә.
Булганына шөкер итеп
Йөрисең көлеп кенә.
Синнән башка нишләр идек,
Ярый әле тугансың.
Бик кадерле әни булып,
Безгә насыйп булгансың.
Туган көнең котлы булсын –
Теләкләрнең иң зуры.
Аллаһ сине саклап йөртсен,
Син – өебезнең нуры.
***
Озын гомер телим, әни сиңа,
Сәламәтлек булсын hәрвакыт!
Бәхетләргә чумып, шатлыкларда йөзеп,
Алсу йөзен торсын гел балкып!
***
Ана шатлыгы
Куенымда бәләкәчем —
Җан кисәккәем нәни.
Шатлыгымның һич чиге юк,
Мин бит бүгеннән — Әни!
***
Безнең бәйрәм җитә,
Кыз кардәшләр.
Бәйрәм белән, һәммәбезне дә!
Әни кеше йортның учагы ул,
Әни кеше ирнең — терәге !
Әни бит ул, сине юатучы,
Шатлыкларны безнең булүче.
Кайгы-хәсрәт булса,
Бары әни кеше,
Күзләреңнән аны белүче!
Әни бит ул, изге җанлы кеше,
Бала өчен бирә барысын да.
Кадерләрен белик янда чакта,
Котлап торыйк, һәр туар таңда!
***
Озак яшә әнием
Түзем булырга өйрәттең,
Һәрчак безне әнием.
Йокысыз төннәрең өчен
Бурычлы без әнкәем!
Кушымта:
Изге җанлы синең кебек
Әни юк беркем җирдә.
Нурлы йөзен, җылы сүзең
Көч бирә һәрчак безгә!
Сагындыра балачакның —
Назлы бишек җырларың.
Кабат кайтып яннарыңа
Мәңге тыңлап туймамын!
Кушымта шул ук
Инде тормышлы булсак та
Сиңа без сабый һаман.
Озын гомер яшә әнием —
Бәхеттә узсын заман!
Кушымта шул ук
***
Бәйрәм җитә… әнкәемне,
Котлыйсым килә, бик тә…
Тик булмый шул, булмый инде,
Ул бит күптәннән күктә…
Бәйрәм җитә, бәгырьне өтә,
Әнкәемнең юклыгы…
Күзләреннән убәр идем
Чәчәк, бүләк итәр идем,
Иркәләп бер кочар идем,
Яннарына очар идем,
Барып кайтыр жир булса ….
Инде үзем әби күптән,
Әнкәемне сагынам, бик тә,
Исән чакта әнкәйләрне,
Көттермәгезче, сез дә !
Иркәләгез, кадерләгез,
Яратуыгыз яшермәгез
Әйтәсе матур сүзләрне,
Иртәгәгә күчермәгез.
***
Әниләр бәйрәме
Салкын көздә табигатькә
Яз китерә бу бәйрәм.
Саран кояш нурларында
Наз китерә бу бәйрәм.
Йөзләргә елмаю сибә,
Нур өләшә күңелгә,
Өйләргә сыймый, дөньяга
Җыр – моң булып түгелә.
Әниләр бәйрәме бүген –
Бәйрәмнәрнең олысы.
Һәр туган яңа таң өчен
Без әнигә бурычлы.
Тәбрик итик әниләрне,
Юллыйк ихлас теләкне.
Гомер язын бүләк иткән
Ана — тормыш терәге.
***
Әнигә
Бер-бер артлы еллар узып тора,
Без үсәбез, синең яшең арта.
Әни, әнкәй! Инде ничә кышлар —
Ялгыз башың тормыш йөген тарта.
Юбилеең ишек какты килеп,
Каршы алыйк, әйдә, түргә узсын!
Бәхет булып килсен киләчәкләр,
Алларыңа гомер юлы сузсын.
Сәламәтлек тели сиңа күңел,
Уңыш тели эшләр эшләреңдә.
Хөрмәтебез тоеп яшә әнкәй,
Матур булсын күрер төшләрең дә.
Шатлыкларга туенып яшә әнкәй,
Яңа таңың тусын кояш тулып.
Яшә тагын сөенеп һәм сөелеп,
Без яраткан әни, әби булып.
Әниләр көненә котлаулар / Поздравления с днем матери на татарском
Әни-җирдә иң газиз,иң якын кеше,чөнки ул сине тудырган,күкрәк сөтен имезгән,җыр көйләп бишектә тибрәткән,беренче елмаюыңны күреп куанган,туган телне өйрәткән,халык моңын күңелеңә сеңдергән.Әниләрнең сиңа кылган изгелеген санап бетерү мөмкинме соң?
Көннең яктылыгы-кояшта,
Күкнең матурлыгы-йолдызларда,
Җирнең гүзәллеге-хатын-кызларда.
Сезне бөтен җир йөзен бизәгән Әниләр бәйрәме белән тәбриклибез.Кадерлик без әниләрне,олылыйк!Аларның канатлары каерылмасын,тормыш авырлыкларыннан иңнәре сыгылып төшмәсен!Хатын-кыз һәрвакытта да хатын-кыз булып калсын!
* * *
Син соң әллә изге фәрештәме,
Әллә инде тылсым иясе.
Йөрәк җылың өчен рәхмәт әйтеп
Килә бүген башны иясе.
Гаиләбез ныклы булсын өчен
Синең җылы, синең наз кирәк.
Синдә генә, бары синдә генә
Барсын сыйдыручы зур йөрәк.
Рәхмәт сиңа, гомер буе безне
Сакладың син һәрбер ялгышудан.
Синең өчен ныклы саулык, бәхет
Сорыйбыз без һәркөн Аллаһыдан.
Әлфия Ситдыйкова
* * *
Күңелдәге барлык җылы, матур сүзләр,
Бүген ,Әни, сине зурлап яңгырасын.
Теләкләрнең иң изгесен, кадерлесен,
Күктә кояш ничек балкып, көлеп торса,
Син дә ,Әни, безнең өчен кояш кебек.
Нурлы йөзең, җылы сүзең, күз карашың,
Һәммәбезнең яктырта бит тормыш күген.
Сәламәт бул, мәңге шулай балкып яшә,
Сабыр, тыйнак, уңган-булган әниебез.
Сине, Әни, үрнәк итеп, өлге итеп,
Тормышларны гөлгә күмеп яшибез без.
Җаның тыныч, тазалыгың ныклы булсын,
Ак әби син, саф күңелле әниебез.
Котлап сине шушы матур бәйрәм белән,
Рәхмәт әйтеп баш иябез һәрберебез!
(Гөлара Шәрипова)
* * *
Әнидән дә бөек кем бар? — беркем дә юк!
Әнидән дә назлы кем бар? — беркем дә юк!
Әнидән дә олы җанлы? — беркем дә юк!
Абынганда кул бирүче — әни генә!
Кайгы килсә бүлешүче — әни генә!
Шатлык барда куанучы — әни генә!
Бала диеп җан атучы — әни генә!
Әниләрнең йөрәгенә бар да сыя,
Ут кайгыра бала өчен үзе генә.
Әниләрне кайгыртмыйча яшәтергә,
Бирсен Аллам барыбызга гомер генә.
Утка салмыйк әниләрнең йөрәкләрен,
Ходай кабул итсә иде теләкләрен.
Соңга калмый йөгереп кайтып яннарына
Аңлаталсак иде безгә кирәкләрен…
Гөлсем Нәбиуллина
* * *
Иң сөйкемле сүзләр-синеке!
Йомшак, жылы куллар-синеке!
Иң-иң татлы сүзләр-синеке!
Җан изрәткеч җырлар-синеке!
Синсез дөнья күрмәс идек,
Синсез берни кылмас идек,
Синсез кеше булмас идек!
* * *
— Бердәнбер кызым! — дип, иркәләп һәм сөеп,
Үстердең син мине, Әнкәем!
Җил-яңгыр тидерми, яшисең хәзер дә.
Кадерләп ниләр соң әйтәем?!
Гомерем буена, тоям мин, Әнием,
Наз тулы йөрәгең җылысын.
Телимен мин сиңа, бәйрәмең көнендә.
Саулыкның корычтай ныклысын.
Әлфия Ситдыйкова
* * *
Ана яши җирдә бала өчен,
Гомер буе булып терәге.
Аккан суга, янган утка керә,
Бала өчен тибә йөрәге.
Бер минут та истән чыгармый ул,
Гомер биргән сөю җимешен.
Җаны белән тоеп яши Ана,
Баласының йөрәк тибешен.
Ана күңеле — диңгез. Бар да сыя:
Сөенечле язлар, якты җәйләр,
Көзе-кышы, моңы-зары да.
Дулкынлана диңгез. Баласының
Борчуларын күрсә, хафадан.
Баласына гомер, тәүфыйк сорап.
Яши ана һәркөн Алладан.
Балалары шатлык бүләк итсә.
Йөрәгенә сыймый сөенеч.
Яшәтәсе иде Әниләрне,
Китермичә һич тә көенеч!
Әлфия Ситдыйкова
* * *
Һәрбер Ана тели үз баласын
Гел бәхетле итеп күрергә.
Әзер алар, газиз баласына,
Ярты җанын бүлеп бирергә.
Инсаф, әдәп үрнәге ул һәрчак.
Бөек аның куйган хезмәте.
Ана хакын хаклап, күрсәтик без
Аналарга тиеш хөрмәтне.
Әлфия Ситдыйкова
* * *
Безнең өчен яшәү өлгесе син.
Бар назыңны безгә багышладың.
Таралсыннар барлык сагышларың.
Көчле бит син. Әнкәй, түзем җанлы,
Мәрхәмәтле, изге күңелле.
Безгә биргән яшәү көче өчен.
Ходай олыласын үзеңне.
Без яшибез. Әнкәй, син булганга,
Тормышларның белеп кадерен.
Сиңа ныклы саулык телибез без.
Исәнлектә үтсен гомерең.
Әлфия Ситдыйкова
* * *
Син соң әллә изге фәрештәме,
Әллә инде тылсым иясе.
Йөрәк җылың өчен рәхмәт әйтеп
Килә бүген башны иясе.
Гаиләбез ныклы булсын өчен
Синең җылы, синең наз кирәк.
Синдә генә, бары синдә генә
Барсын сыйдыручы зур йөрәк.
Рәхмәт сиңа, гомер буе безне
Сакладың син һәрбер ялгышудан.
Синең өчен ныклы саулык, бәхет
Сорыйбыз без һәркөн Аллаһыдан.
* * *
Мәрхәмәтле безнең әниләр.
Җиргә матурлыкны, илгә батырлыкны
Сез бирәсез, гузәл әниләр.
Сездә яши сүрелмәслек хисләр,
Йөзегездә шәфкать нурлары.
Сезнең җырлар аша күчә безгә
Туган халкыбызның моңнары
* * *
Елмайса йөзеннән аңлыйм
Әнкәемнең теләген.
Дөнья киңлегенэ тиңлим
Әнкәемнең йөрәген,
Әнкәй, сиңа бүләк итәм
Бөтен дөнья гөлләрен.
Юллар кебек озын булсын,
Әнкәем, гомерләрең.
Ай нурыннан да нурлырак
Әнкәемнең йөзләре.
Моңлы көйдәй күңелемдә
Әнкәемнең сүзләре.
* * *
Нигә бүген бөтен җирдә
Чәчәкләр балкый бездә
Нигә кояш көлеп карый
Беләбез һәммәбез дә
Әни!Әни җирдә иң кирәкле кеше.
Җил-давылдан саклап үстергән ул
Кызганмыйча бөтен гомерен
Аның киңәшләре көч-дәрт өсти
Илһам бирә миңа яшәргә
Бәхет-шатлык белән һәрчак язсын
“Әни”диеп аңа дәшәргә.
* * *
Иртән уянгач йокымнан
“Әни!” — беренче сүзем.
Күзләрем күреп куана
Әнинең нурлы йөзен.
Әнием куллары тигән
Ашны ашау күңелле.
Әни кебек аңламыйдыр
Бүтән кеше күңелне.
Бәхетле булсын, балам, дип
Әни бик нык тырыша.
Үпкәләмим, кайчагында
Әз-мәз генә орышса.
Әнием, тик син булганга
Бәхетле көлүләрем.
Кояшлы якты дөньяда
Очынып йөрүләрем.
Гади дә син һәм гадел дә
Син — тормыш гүзәллеге.
Йомшак булсаң да, үзеңдә
Әтиләр түземлеге.
Иртән уянгач йокымнан
“Әни!” — беренче сүзем.
Күзләрем күреп куана
Әнинең нурлы йөзен.
Люция Аблеева
* * *
Нихәл кызым? Хәлең ничек?
Әйбәт әни — вакыт юк…
Ачуланма инде кызым,
Сагындым, түземлек юк!
Әни хәзер мин ашыгам,
Үзем шалтыратырмын!
Эшләремне бетерим дә
Бәлки сезгә кайтырмын!
Көттем,көттем дә мин кызым-
Шалтыратырга булдым!
Синнән хәбәрләр булмагач,
Кайгы-хәсрәткә тулдым!
Күп тапкырлар шалтыратты-
Әнисе хәл белергә!
Ә кызының вакыты юк,
Эше тыгыз күренә!
Бер үзем мин… бигрәк моңсу
Сезне күрәсем килә!
Кызым кайчан кайтырсың син?
Йөрәгем ярсый, тибә!
Вакыт үтә, көн дә көтә
Тәрәздән күзен алмый!
Әни күңеле йомышак-
Күзләре ничек талмый?
Шулай бер көн… караңгы төн
Әнисе шалтырата!
Хәлем авыр, бик тә яман
Кайт кызым исән чакта…
Нигә әни шулай итеп
Төнлә шалтыратасың?
Көн җитмәде мени сиңа-
Йокы бүлеп ятасың!
Иртәгесен кинәт тагын,
Телефон шалтырады!
Бу юлы әнкәсе түгел-
Күршесе шалтыратты!
Әниегез җанын бирде,
Бүген иртән, таң аткач!
Җирләргә кайтып җитегез-
Эшегез калсын бераз….
Шулай итеп әни кызын-
Башка күрә алмады!
Бәхилләшми китеп барды,
Күңел тыныч калмады!
Әнкәйләрне онытмагыз,
Кайтыгыз исән чакта!
Үкенечле булып кала-
Әни булмас шул чакта!
Фирая Габдуллина.
* * *
Бәлки, бик сагынмам
Дип киттем авылдан,
Ә күңел барыбер сагына.
Син калдың шул анда —
Сагынам шуңа да.
Гомер ит син исән-сау гына!
Яраттың безне син,
Барсына түздең син,
Кичердең ни генә кылсак та.
Бигрәкләр сөйкемле,
Нәкъ безнең шикелле
Яшь идең әле син ул чакта!
Күңелем шул чакны
Сагына шул чаклы —
Күңел яшь чагыңны сагына.
Тик ябык ишекләр —
Кайтарыйм ничеклөр,
Әнием, сине яшь чагыңа?!
Роберт Миңнуллин
* * *
Әнкәй дә картайган инде,
Чәчләре дә агарган.
Нур сибелә, нур чәчелә,
Нур бөркелә алардан.
Бик килешә аклары да,
Сагынам карасын да.
Мин агарткан чәч тә бардыр
Ул чәчләр арасында.
Әнкәйнең ап-ак чәчләре
Агарган безнең хакка.
Ул һаман яктыра бара
Күңеле, җаны акка.
Сокланып карап торырлык —
Күзне ала алмыйбыз.
Әнкәйләрнең бөеклеген
Яши-яши аңлыйбыз.
Әнкәй дә картайган инде.
Чәчләре дә агарган.
Нур сибелә, нур чәчелә,
Нур бөркелә алардан.
Сокланып карап торырлык —
Күзне ала алмыйбыз.
Әнкәйләрнең бөеклеген
Яши-яши аңлыйбыз.
* * *
Мин язларга сине тиңлим, әнкәй,
Якты язлар кебек карашың.
Күңелеңдә бары изгелекләр,
Якты юллар гына ярасың.
Һәрвакытта алда барасың.
Мин җәйләргә сине тиңлим, әнкәй,
Шундый җылы синең кочагың.
Яшәгез сез, әтием белән икәү
Сүндермичә яшәү учагын.
Мин җәйләрдә сиңа очамын.
Мин көзләргә сине тиңлим, әнкәй,
Сары сагыш сары көзләрдә.
Үткәргәнсең күпме югалтулар,
Алар чагыла синең йөзләрдә.
Үпкәләмә, әнкәй, көзләргә.
Ак кышларга сине тиңлим, әнкәй,
Ак бәс кунган инде чәчләргә.
Ак чәчләрдәй ак күңелләр белән
Язсын әнкәй диеп дәшәргә,
Ак кышларда бергә яшәргә!
* * *
Әнкәйләргә Аллаһ ярдәм бирсен!
Аларгадыр бөтен авырлык.
Әнкәйләргә безнең
Йолдызлардан
Я кояштан һәйкәл салырлык…
Давылларга каршы китәбез без,
Утлар-сулар күпме кичелә!
Туган өйгә юлны онытабыз —
Ә әнкәйләр барсын кичерә.
Якын дуслар ташлап китә безне,
Хыялларын күпләр югалта.
Әнкәйләргә кайтып егылабыз —
Ә әнкәйләр безне юата.
Алар гына безне онытмыйлар,
Алар гына чынлап ярата.
Синең белән бергә сөенә дә,
Кайгыларың булса — тарата.
Җан җылысын тоя күңелебез,
Әнкәй көчен тоя кулыбыз…
Безгә бер дә үпкәләмәсеннәр,
Әнкәйләргә сәҗдә кылыгыз!
Р.Миннуллин
* * *
Кичләр җиткән саен моңсуланып
Чыгасыңдыр капка янына.
Сабырлыклар бирсен сиңа, әнкәй,
Чыдамлыклар бирсен җаныңа.
Капка төпләренә чыгасыңдыр
Басылмасмы ярам диеп.
Ярты төнгә кадәр торасыңдыр
«Кайтып төшмәс микән балам» — диеп.
Кайтмый калсам әгәр әрнүләре
Көчәядер синең күңелеңнең.
Гомер буе әрнеп һәм кичереп
Яшәүләре җиңел түгелдер.
Күзкәйләрең тулы сабырлыктыр,
Күңелләрең тулы ярадыр.
Почтальоннар үтеп киткән саен
Йөрәкләрең чәнчеп аладыр.
* * *
Шомырт чәчәк атса,
Илгә кошлар кайтса,
Җаным тула минем назларга.
Рәхмәт, әнкәй, сиңа,
Якты тормыш миңа
Бүләк иткән өчен язларда.
Йөрәк җылың белән,
Бишек җырың, белән
Күңел кылларымны чирткәнсең.
Рәхмәт, әнкәй, сиңа,
Сабый чакларымнан
Бу дөньяга гашыйк иткәнсең.
Язгы кояш төсле,
Сулмас яшәү көчен
Биргәнсең син миңа гомергә.
Рәхмәт, әнкәй, сиңа,
Кояш булып миңа
Мәңге-мәңге яшә бу җирдә.
* * *
Тузаннарны сөртеп чыктым
Коедан су китердем
Әни эштән кайтуына
Бөтен эшне бетердем.
Булмәләрне жыештырдым,
бар җир ялт итсен әле,
Үзенең бәйрәмендә бер,
Әни ял итсен әле…
* * *
Әйтәсебез килә бүген
Кадерле әниләргә —
Бу бәйрәм дөньяга килгән
Кояш нуры сибәргә!
Бу бәйрәмдәге җылылык
Гасырларга җитәрлек.
Сезнең назлы кулларыгыз
Әкиятне чын итәрлек.
Читкә китми, әниләрне
Һаман саклап йөрербез.
Әни кушса, әти белән
Тауларны күчерербез!
Матурлар безнең әниләр
Данлы эшләре белән.
Әтиләр белмәгән эшне
Әниләр эшли белә.
Наз гөлләре үсеп чыга
Сез үткән буш җирләдән.
Кабул итегез котлаулар
Безнең кебек ирләрдән!
* * *
Кем дөньяга кеше бүләк итә,
Ә кешегә якты дөньяны?
Тойгылары кояш кебек кайнар,
Эретерлек гранит кыяны?
Кем күңеле тулган айдай серле,
Язлар сыман назлы, ягымлы?
Шатлыкларын башкаларга бүлеп,
Кайгыларга түзем, сабырлы?
Кем елмая җәйге таң аткандай,
Балкып китә шундук тирә-як?
Нәфислеге гөлләр сокланырлык,
Көләчлектә аңа тиңнәр юк?
Кем куллары өйне, җирне ямьли,
Изгелеге үлчәү тапкысыз?
Ул, әлбәттә, яшәү чыганагы,
Тормыш яме — Әнкәй, хатын-кыз!